काठमाडौँ । सरकारले काठमाडौं विश्वविद्यालय (केयू) को उपकुलपतिका लागि आवेदन दिएका १० उम्मेदवारको नाम सार्वजनिक गरेको छ ।
उपकुलपतिका लागि ३५ जनाको आवेदन स्वीकृत गरेको छनोट तथा सिफारिस समितिले सोमबार १० जनाको सर्टलिस्ट सार्वजनिक गरेको हो ।
जसमा दयाराम पोखरेल, निरञ्जन पराजुली, बालचन्द्र लुइटेल, विकाश नकर्मी, बिमप्रसाद श्रेष्ठ, राजेन्द्र जोशी, विवेक बराल, शेषानन्द सन्जेल, सुवोध शर्मा र हरिप्रसाद न्यौपाने रहेका छन् ।
अब १० जनाको बारेमा २० साउनभित्र राय सुझाव दिन सकिने छ । त्यसपछि २२ साउनमा प्रस्तुतीकरण र अन्तर्वार्ता हुनेछ । प्रस्तुतीकरणको समय १५ मिनेट हुनेछ । र त्यस लगत्तै अन्तर्वार्ता हुनेछ । तीन महिनादेखि केयूले उपकुलपति पाएको छैन ।
