काठमाडौँ । नेपाल राष्ट्र बैंकले आगामी आर्थिक वर्षको मौद्रिक नीतिको तयारी पूरा गरेको छ । केन्द्रीय बैंकले शुक्रबारको सञ्चालक समितिको बैठकबाट स्वीकृत गरेपछि मौद्रिक नीति सार्वजनिक गर्नेछ ।
बिहीबार साँझ बसेको बोर्ड बैठकले मौद्रिक नीति पारित गरेको समेत पाईएको छ । गभर्नर प्रा.डा. विश्वनाथ पौडेलले तयार गरेको पहिलो मौद्रिक नीति उदार रहेको बताईएको छ ।
बिहीबार केन्द्रीय बैंकको व्यवस्थापन समितिमा गहन छलफलपछि प्रस्तावित मौद्रिक नीतिबारे सञ्चालक समितिमा समेत छलफल भएको थियो । बिहीबार सञ्चालक समितिमा मौद्रिक नीतिको भूमिका उपर छलफल भएको राष्ट्र बैंक स्रोतको भनाइ छ ।
केन्द्रीय बैंकको बिहीबारको बैंठकलाई निरन्तरता दिँदै शुक्रबार बिहानैदेखि छलफल गरी मौद्रिक नीतिलाई अन्तिम रुप दिने स्रोत भनाइ छ ।
गर्भनर पौडेलले आर्थिक वर्ष नसकिँदै आगामी आवको माद्रिक नीति ल्याउनुपर्नेमा जोड दिएका छन् । आर्थिक वर्ष सुरू हुनुपूर्व नै मौद्रिक नीति आउनुपर्छ भन्दै गभर्नर तातेपछि साउनको पहिलो साता मौद्रिक नीति जारी गर्ने सोचमा बसेका कर्मचारी भने हतारमा परेका छन् । गभर्नरको निर्देशनअनुसार पछिल्लो केही दिन राष्ट्र बैंकले विभागीय छलफल र तयारीलाई तीब्रता दिएको थियो ।
मौद्रिक नीति बजेटको परिपुरक नीति हुने र बजेट साउन १ गतेदेखि कार्यान्वयनमा आउने भएकाले मौद्रिक नीति पनि साउन १ गतेदेखि कार्यान्वयनमा जानुपर्ने गरी तयारी अघि बढाउन गभर्नर पौडेलले निर्देशन दिएका थिए । यसर्थ तयारी सकिएको अवस्थामा भोलि नै र नत्र असार मसान्त अघि नै मौद्रिक नीति जारी हुने बताइएको छ ।
मौद्रिक नीतिकै विषयलाई लिएर गभर्नर पौडलले बिहीबार अपराह्न ४ बजे अर्थमन्त्री विष्णुप्रसाल पौडेलसँग भेट गरेका छ्न् । अर्थमन्त्रीलाई आवश्यक ब्रिफिङ गरेर गभर्नर बिहीबारको बोर्ड बैठकमा पुगेका थिए ।
बिहीबार आर्थिक वर्षको ११ महिनाको तथ्यांको आएको र छलफल पनि सकिएकाले शुक्रबार मौद्रिक नीति सार्वजनिक गर्ने तयारीसहित गभर्नर पौडेलले बिहान बोर्ड बैठक बोलाएका छन् । तर, हालसम्म एजेन्डा भने जानकारी गराइएको छैन ।
