काठमाडौँ । वाणिज्य, आपूर्ति तथा उपभोक्ता संरक्षण विभागलले एकैदिन २४ वटा कन्सल्टेन्सीमा अनुगमन गरेको छ । बिहीबार विभागको टोलीको उपत्यकाका विभिन्न स्थानमा सञ्चालित उक्त कन्सल्टेन्सीमा अनुगमन गरी कारवाही समेत गरेको हाे ।
अनुगमनका क्रममा गल्ती भेटिएका ८ वटा कन्सल्टेन्सीलाई आर्थिक जरिवाना नै गरेको छ भने अन्यलाई निर्देशन गरिएको विभागका अनुगमन निर्देशक अमित झाले जानकारी दिए ।
उनका अनुसार बजार अनुगमन गर्दा उपभोक्ता संरक्षण ऐन, २०७५ तथा उपभोक्ता संरक्षण नियमावली, २०७६ बमोजिम आवश्यक निर्देशन तथा कारवाही गरिएको हो ।
बिहीबार रिड एजुकेशन, परसुट अब्रोड स्टेडिज, इनोभा एजुकेशन कन्सल्टेन्सी र स्योउराइ इन्टरनेशनल एजुकेशन प्रालिलाई कारबाही स्वरुप एक/एक लाख रुपैयाँ जरिवाना गरिएको छ ।
यस्तै, प्यासन फाउन्डेशन र काईट कन्सल्टेन्सीलाई ५१ हजार रुपैयाँ र आशिर्वाद ल्याङ्वेज स्कुल भक्तपुर र छाडमी एजुकेशन प्रालिलाई ५०/५० हजार रुपैयाँ जरिवाना तिराईएको छ ।
