काठमाडौँ । साताको पहिलो कारोबार दिन नै सुनचाँदीको मूल्य घटेको छ । नेपाल सुनचाँदी व्यवसायी महासंघले सार्वजनिक गरेको तथ्यांक अनुसारअ आइतबार सुन र चाँदी दुबैको मूल्य घटेको हो ।
शुक्रबारको तुलनामा आइतबार सुन प्रतितोला ८ सय रुपैयाँले घटेर १ लाख ५७ हजार १ सय रुपैयाँमा कारोबार भएको छ । शुक्रबार सुनको मूल्य प्रतितोला १ लाख ५७ हजार ९ सय रुपैयाँ कायम भएको थियो ।
यस्तै, आइतबार चाँदीको मूल्य प्रतितोला ३० रुपैयाँले घटेर १ हजार ८ सय ६० रुपैयाँ कायम भएको छ । शुक्रबार चाँदी प्रतितोला १ हजार ८ सय ९० रुपैयाँमा कारोबार भएको थियो ।
