काठमाडौँ । अख्तियार दुरुपयोग अनुसन्धान आयोगले नक्कली शैक्षिक योग्यता पेश गरेको आरोपमा बुधबार मुद्दा दायर गरेको छ ।
आयोगले बुधबार बझाङ जिल्लाको जयपृथ्वी नगरपालिका अन्तर्गतको जालपा माध्यमिक विद्यालयमा कार्यरत प्रशिक्षक दीपक बोहराले नक्कली शैक्षिक प्रमाणपत्र पेश गरेको भन्दै आरोपपत्र दायर गरेको हो ।
बोहरा माथि नक्कली शैक्षिक योग्यताको प्रमाणपत्र पेश गरेर जयपृथ्वी नगरपालिका, नगरकार्यपालिकाको कार्यालय, बझाङमा सहायक प्रशिक्षक पदमा नियुक्ति लिएको आरोप लागेको छ ।
आयोगले अनुसन्धान गर्दा बोहराले उच्च माध्यमिक शिक्षा परिषद्बाट जारी भएको +२ तहको लव्धाङ्क पत्रको झुट्टा तथा नक्कली शैक्षिक प्रमाणपत्र पेश गरी राष्ट्रसेवकको ओहदा, हैसियत, लाभ र सुविधा प्राप्त गरेको पुष्टि भएको भन्दैउक्त कार्य भ्रष्टाचार निवारण ऐन, २०५९ को दफा १६ को उपदफा (१) बमोजिमको कसुर भएको भन्दै कैद र जरिवाना सजायको मागदाबी गर्दै विशेष अदालत, काठमाडौंमा आरोपपत्र दायर गरेको हो ।
