काठमाडौं । सेयर बजार बुधबार पनि घटेको छ । आज नेप्से ८.१४ अकंले घटेर २६२३ बिन्दुमा कायम भएको छ । आज ३१४ कम्पनीको २ करोड ४६ लाख ४१ हजार कित्ता सेयर किनबेच हुँदा ९ अर्ब ३७ करोडको सेयर कारोबार भएको हो । बुधबार ५ उपसूचकमा हरियाली देखिए पनि ८ उपसूचक राताम्य भएका छन् । यसदिन १०७ कम्पनीको सेयरमूल्य घटेको छ भने १३६ कम्पनीको बढेको हो ।
आज सबैभन्दा धेरै राधि विद्युत कम्पनीको सेयर कारोबार भएको छ । आज यस कम्पनीको ५८ करोड ४ लाख रुपैयाँको सेयर कारोबार भएको छ ।आज सबैभन्दा धेरै समाज लघुवित्त वित्तीय संस्था र नेपाल माइक्रो इन्स्योरेन्सका लगानीकर्ताले कमाएका छन् । आज यी दुई कम्पनीका लगानीकर्ताले १० प्रतिशतका दरले कमाएका हुन् । आज सबैभन्दा धेरै भुगोल इनर्जीका लगानीकर्ताले गुमाएका छन् । आज यस कम्पनीका लगानीकर्ताले १० प्रतिशतका दरले गुमाएका हुन् ।
