काठमाडौँ । सोमबार पनि नेपाली बजारमा सुनको मूल्य बढेको छ । नेपाल सुनचाँदी व्यवसायी महासङ्घका अनुसार सोमबार छापावाल सुनको मूल्य तोलाको ५ सय रुपैयाँले बढेको हो ।
आज सुन एक लाख ८४ हजार ६ सय रुपैयाँमा कारोबार भइरहेको छ । अघिल्लो कारोबार दिन आइतबार सुन एक लाख ८४ हजार एक सय रुपैयाँमा कारोबार भएको थियो ।
यस्तै, आज चाँदीको मूल्य भने स्थिर रहेको छ। महासङ्घका अनुसार आज चाँदी एक हजार ९१० रुपैयाँमा कारोबार भइरहेको छ ।
आज प्रति १० ग्राम सुनको मूल्य एक लाख ५८ हजार २६५ रुपैयाँ र प्रति १० ग्राम चाँदीको मूल्य एक हजार ६३७ रुपैयाँ ५० पैसा कायम भएको छ ।
