काठमाडौँ । अख्तियार दुरुपयोग अनुसन्धान आयोगले तत्कालीन प्रमुख प्रशासकीय अधिकृत सहित ३ जना विरुद्ध भ्रष्टाचार मुद्दा दायर गरेको छ ।
आयोगले मंगलबार बारा जिल्लाको फेटा गाउँपालिकाका तत्कालीन प्रमुख प्रशासकीय अधिकृत गौरी शंकर कुमार सिंह र लेखा अधिकृत मुकेश प्रसाद साह र नेपाल मिडिया हाउसका निर्देशक नवराज निरौला विरुद्ध मुद्दा दायर गरेको हो ।
उनीहरु माथि पालिकाको विद्युत पोल गाड्ने तथा तार तान्ने कार्यको खरिद प्रक्रियामा गोप्य राखेको भन्ने उजुरी निवेदनका आधारमा अख्तियारले अनुसन्धान गर्दा भ्रष्टाचार भएको पुष्टि भएको हो ।
उनीहरुमाथि १ लाख ४२ हजार १६० रुपैयाँ कायम गरी भ्रष्टाचार निवारण ऐन, २०५९ को दफा ८ को उपदफा (१) बमोजिम कैद र बिगो बमोजिम जरिवाना सजाय हुन मागदाबी लिइएको हो ।
