काठमाडौँ । प्रधानमन्त्री केपी शर्मा ओलीले आज साँझ ६:३० बजे बालुवाटारस्थित सरकारी निवासमा मन्त्रिपरिषद् बैठक बोलाएका छन्।
आजको बैठकमा मन्त्रालयहरूका नियमित प्रस्तावमाथि छलफल र निर्णयका साथै केही प्रशासनिक निर्णयहरू पनि हुनेछन्। आजको बैठकले प्रशासन र प्राविधिकतर्फ एकरएक गरी दुई जना सहसचिवलाई सचिव (विशिष्ट श्रेणी) मा बढुवा गर्दै छ ।
महालेखा नियन्त्रक गणेशप्रसाद पाण्डेको अवकाशपछि रिक्त सचिव पदका लागि सहसचिवहरू भूपाल बराल, डण्डुराज घिमिरे र खगेन्द्रप्रसाद सुवेदीको नाम सिफारिस भएको छ। आजको बैठकले तीमध्ये एक जनालाई सचिवमा बढुवा गर्नेछ।
यस्तै, प्राविधिकतर्फ रिक्त सचिव पदका लागि वरिष्ठ सहसचिवहरू दिनानाथ मिश्र, चिरञ्जिवी चटौत र जगदीश्वर कर्माचार्यको नाम सिफारिस गरेको छ ।
आजको बैठकले प्राविधिक तर्फ र प्रशासनिक तर्फ एक एक जनालाई सचिवमा बढुवा गर्नेछ । दुई सचिवको बढुवासँगै केही दिनअघि बढुवा भएका शोभाकान्त पौडेल गरी तीन जना सचिवको पदस्थापन हुनेछ। पदस्थापनका क्रममा केही सचिवको सरुवा पनि हुन सक्नेछ ।
