काठमाडौँ । नेपालले चालू आर्थिक वर्षको १० महिनामा विदेशी पर्यटक भित्रिँदा ७५ अर्ब ७१ करोड रुपैयाँ आम्दानी गरेको छ। नेपाल राष्ट्र बैंकले सार्वजनिक गरेको तथ्याङ्क अनुसार चालु आर्थिक वर्ष २०८१/८२ को १० महिनामा ६९ अर्ब ७३ करोड रहेको आम्दानी ८.६ प्रतिशतले वृद्धि भई पौने ७६ करोड रुपैयाँ पुगेको हो।
समीक्षा अवधिमा सेवा खाताअन्तर्गत नेपाली विदेश भम्रणमा जाँदा १७.९ प्रतिशतले वृद्धि भई १ खर्ब ८५ अर्ब ३ करोड पुगेको छ। यसमध्ये शिक्षातर्फको व्यय १ खर्ब १२ अर्ब ४४ करोड रहेको छ।
अघिल्लो वर्षको सोही अवधिमा भ्रमण व्यय १ खर्ब ५६ अर्ब ९५ करोड रहेकोमा शिक्षातर्फको व्यय १ खर्ब ४ अर्ब २५ करोड रहेको थियो।
वैशाखसम्म खुद सेवा आय ८६ अर्ब ५३ करोडले घाटामा छ। अघिल्लो वर्षको सोही अवधिमा खुद सेवा आय ५० अर्ब ३१ करोडले घाटामा थियो।
