काठमाडौँ । गृहमन्त्री रमेश लेखकले राजीनामा दिएका छन् ।
उनले सोमबार साँझ बसेको मन्त्रिपरिषद् बैठकमा आफ्नो राजीनामा प्रधानमन्त्री केपी शर्मा ओलीसमक्ष बुझाएका हुन् ।
उनले सोमबार साँझ बसेको पार्टीको पदाधिकारी बैठकमा सोमबारको आन्दोलनमा अकल्पनीय मानवीय क्षति भएको भन्दै नैतिकताका आधारमा राजीनामा दिने बताएका थिए ।
उक्त कुरा जानकारी गराएर बैठकबाट बाहिरिएका उनले मन्त्रिपरिषद्को बैठकमा प्रधानमन्त्रीलाई राजीनामा बुझाएका हुन् ।
जेनजीले काठमाडौंसहित देशभरका विभिन्न शहरमा गरेको प्रदर्शनका क्रममा १९ जनाभन्दा बढी प्रदर्शनकारीको मृत्यु भएपछि चौतर्फीरुपमा गृहमन्त्रीसहित सरकारको आलोचना भइरहेको छ ।
उक्त घटनाको आफूले नैतिक जिम्मेवारी लिनुपर्ने बताउँदै लेखकले राजीनामा दिएका हुन् ।
