रुकुमपश्चिम । मुसिकोट खलंगाबाट आठविसकोट नगरपालिकाको स्यालाखदीतर्फ जाँदै गरेको जीप शुक्रबार दुर्घटनामा परेको छ। प्रहरीका अनुसार दुर्घटनामा ७ जनाको मृत्यु भएको छ भने १० जना घाइते भएका छन्।
घटना भएको जीप रा १ ज ४२२ नम्बरको बोलेरो हो, जुन बाँफिकोट गाउँपालिका–७ लिस्ने भिरमा दुर्घटनाग्रस्त भएको प्रहरीले जनाएको छ।
प्रहरीले घटनाको कारण पत्ता लगाउन अनुसन्धान अघि बढाएको छ। दुर्घटनामा घाइते भएका व्यक्तिहरूलाई नजिकको अस्पतालमा उपचारका लागि लगिएको छ।
© 2026 All right reserved to cnnkhabar.com | Site By : SobizTrend
