काठमाडौँ । नेकपा एमालेले केन्द्रीय कमिटी बैठक बोलाएको छ। ११ औं राष्ट्रिय महाधिवेशनको बन्दसत्र सुरु हुन अगाडि केन्द्रीय कमिटीको अन्तिम बैठक बोलाइएको हो।
काठमाडौँको भृकुटीमण्डपमा बिहान ९ बजे केन्द्रीय कमिटीको बैठक बस्न लागेको हो। बैठकपश्चात बन्दसत्र सुरु हुनेछ। महाधिवेशनमा २ हजार २ सय ६२ जना प्रतिनिधि छन् ।
सचिवालय बैठकले महाधिवेशनमा सबै पदाधिकारीलाई समेटेर अध्यक्षमण्डल,महाधिवेशन प्रस्ताव लेखन र माइन्युट लेखन समितिको जिम्मेवारी उपमहासचिवद्वय प्रदीप ज्ञवाली र पृथ्वीसुब्बा गुरुङलाई दिने निर्णय गरेको छ ।
