काठमाडौँ । नेपाली बजारमा सुन र चाँदी दुवैको मूल्य अहिलेसम्मकै उच्च बिन्दुमा पुगेको छ।
आज सोमबार सुन प्रतितोला ३ हजार ४ सय रुपैयाँले बढेर २ लाख ६१ हजार ७ सय रुपैयाँमा कारोबार भइरहेको छ। जुन अहिलेसम्मकै उच्च मूल्य हो। यसअघिको उच्च मूल्य गएको मंसिर २९ गते प्रतितोला २ लाख ६० हजार ७ सय रुपैयाँ थियो।
नेपाल सुनचाँदी व्यवसायी महासंघका अनुसार आइतबार सुन प्रतितोला २ लाख ५८ हजार ३ सय रुपैयाँमा कारोबार भएको थियो।
यस्तै आज सोमबार चाँदी ४ हजार २ सय ३५ रुपैयाँमा कारोबार भइरहेको छ। जुन अहिलेसम्मकै उच्च मूल्य हो।
नेपाली बजारमा चाँदीको मूल्यले आइतबार पनि कीर्तिमान बनाएको थियो। आइतबार एक तोला चाँदीको मूल्य ४ हजार १ सय ५ रुपैयाँ थियो। त्यसबाट आज सोमबार १ सय ३० रुपैयाँले बढेको हो।
