काठमाडौँ । नेपाल उद्योग वाणिज्य महासंघको केन्द्रीय कार्यकारिणी समिति सदस्यमा ६ जना मनोनीत भएका छन् । शुक्रबार बिहान बसेको महासंघको केन्द्रीय कार्यकारिणी समिति बैठकले अध्यक्ष अन्जन श्रेष्ठको प्रस्तावमा ६ जना सदस्य मनोनीत गरेको हो ।
जसमा जिल्ला नगरबाट ३ जना, वस्तुगतबाट २ जना र एसोसियटबाट एक जना रहेका छन् । उनीहरुमा मनीषलाल प्रधान (ललितपुर), नवीन रिजाल (मोरङ), गोकर्ण कार्की (पोखरा) जिल्ला नगरतर्फबाट मनोनीत भएका छन् । यस्तै, वस्तुगत तर्फबाट कत्था उत्पादक संघका शिव प्रसाद घिमिरे र महिला उद्यमी महासंघबाट दर्शना श्रेष्ठ मनोनीत भएका छन् ।
एसोसियट तर्फबाट हिमालयन बेम्बो प्रा।लि।की साहारा जोशी केन्द्रीय सदस्य मनोनीत भएकी छिन् ।
महासंघको विधानमा अध्यक्षले २ जना महिलासहित ७ जनालाई केन्द्रीय कार्यकारिणी समिति सदस्यमा मनोनीत गर्न सक्ने प्रावधान रहेको छ । अब १ जना मनोनीति गर्न बाँकी छ ।
