काठमाडौँ । सरकारले चालू आर्थिक वर्ष २०८२/८३ मा नेपालको अर्थतन्त्रको आकार ६६ खर्ब रुपैयाँ पुग्ने अनुमान सार्वजनिक गरेको छ ।
उपप्रधान तथा अर्थमन्त्री डा। स्वर्णिम वाग्ले ले बुधबार संघीय संसद्मा आर्थिक वर्ष २०८२/८३ को आर्थिक सर्वेक्षण प्रस्तुत गर्दै प्रतिव्यक्ति कुल राष्ट्रिय आय एक हजार पाँच सय ३५ अमेरिकी डलर पुग्ने प्रक्षेपण गरेका हुन् ।
आर्थिक सर्वेक्षणअनुसार कुल गार्हस्थ उत्पादन (जीडीपी) मा कृषि क्षेत्रको योगदान २४ प्रतिशत र गैरकृषि क्षेत्रको योगदान ७६ प्रतिशत रहने अनुमान गरिएको छ । प्रदेशगत योगदानतर्फ बागमती प्रदेशको हिस्सा सबैभन्दा बढी रहने उल्लेख गरिएको छ ।
विश्व अर्थतन्त्रको विस्तार सन् २०२६ मा ३.१ प्रतिशतमा सीमित रहने अनुमान गरिए पनि प्रतिकूल अन्तर्राष्ट्रिय परिवेशबीच नेपालको अर्थतन्त्र भने चालू वर्ष ३.८५ प्रतिशतले विस्तार हुने प्रक्षेपण गरिएको छ ।
सर्वेक्षणमा बागमती र गण्डकी प्रदेशबाहेक अन्य प्रदेशहरूको आर्थिक वृद्धिदर राष्ट्रिय औसतभन्दा कम रहने अनुमानसमेत गरिएको छ ।
