काठमाडौँ । अर्थमन्त्री डा स्वर्णिम वाग्लेले ५० लाखभन्दा मुनिको विद्युतीय गाडी ९ईभी०को मूल्य घट्ने बताएका छन् ।
सोमबार नेपाल आर्थिक पत्रकार संघ नाफिले आयोजना गरेको पोष्ट बजेट सम्बन्धी छलफलमा उनले सो कुरा बताएका हुन् ।
उनले विलासी इभीको हकमा भने विदेशी विनिमय सञ्चितिको सन्तुलन मिलाउन र प्रगतिशील करको सिद्धान्त अनुसार कर निर्धारण गरिएको पनि प्रस्ट पारेका छन् ।
बजेटले सामाजिक न्यायका लागि २५ दुर्गम जिल्ला र देशभरका करिव ३ लाख १७ हजार दलित बालबालिकालाई मासिक १ हजार रुपैयाँ पोषण भत्ताको व्यवस्था गरेको पनि अर्थमन्त्री वाग्लेले बताएका छन् ।
उनले पुँजी बजारको हकमा लगानीकर्ताको मागअनुसार करको दरमा स्पष्टता ल्याइएकाले र अब अन्योल समाप्त भएको बताउँदै असल नियत र क्षमताका साथ अर्थतन्त्रको जग बलियो बनाउने संकल्पका साथ सरकार अघि बढेको बताएका छन् ।
अहिलेको बजेट आयकरमा छुट दिएर उपभोगमा कस्ने नीति अनुसार आएको मन्त्री वाग्लेले जानकारी दिए । यसरी अघि बढ्दा अहिलेको सुस्त आर्थिक अवस्थाबाट बाहिर निस्कन सकिन्छ भन्ने आधारभूत आर्थिक सिद्धान्तलाई टेकेर बजेट बनाइएको जानकारी उनले दिए ।
