काठमाडौँ । यती एयरलाइन्सले भैरहवा पोखरा उडान गर्ने भएको छ । कम्पनीले मंगलबारदेखि उक्त रुटमा उडान सुरु गर्न लागेको हो ।
भैरहवा-पोखराको उडान समय ११ः०५ बजे र पोखरा-भैरहवाको उडान समय ११ः४५ बजे रहेको छ । हाललाई एकतर्फी हवाई भाडा २ हजार ५०० रुपैयाँ कायम गरिएको यती एअरलाइन्सले जनाएको छ ।
गौतमबुद्ध अन्तर्राष्ट्रिय विमानस्थलमा यात्रुहरुको संख्या वृद्धि गर्न टेवा पुर्याउने उद्देश्यले भैरहवा-पोखरा प्रत्यक्ष उडान सुरु गरेको यती एअरलाइन्सले जानकारी दिएको छ ।
© 2026 All right reserved to cnnkhabar.com | Site By : SobizTrend
