काठमाडौं । केन्द्रीय अनुसन्धान ब्युरो (सीआईबीले)ले नेपाली कांग्रेसका उप सभापति धनराज गुरुङलाई सँग सोधपुछ गरेको छ । गुरुङलाई ब्युरोमा बोलाएर सहकारी ठगी प्रकरणमा सोधपुछ गरेको हो । ललितपुर महानगरपालिका वडा नम्बर–५ स्थित महालक्ष्मीस्थानमा सञ्चालित मितेरी बचतको रकम अपचलन गरेको आरोपमा गुरुङकी पूर्व श्रीमती ज्योती जोडिएकाले उनी पनि विवादमा आएका थिए ।
मितेरी सहकारीको १२ करोड ५१ लाख रकम अपचलन गरेको भेटिएको छ । ज्योति गुरुङ धनराजकी पूर्वपत्नी हुन् । उनीहरूको बिचमा २०७६ फागुन २९ मा ललितपुर जिल्ला अदालतबाट सम्बन्ध विच्छेद भएको भेटिएको छ ।
