काठमाडौँ । काठमाडौँबाट रामेछाप जाँदै गरेको टाटा सुमो दुर्घटनामा परेको छ । काठमाडौंबाट गोकलगंगा गाउँपालिका वडा नम्बर ५ बेताली जाँदै गरेको ७१२३ नम्बरको सुमो शुक्रबार दिउँसो गोकुलगंगा गापा ६ फर्पूमा दुर्घटनामा परेको हो ।
फर्पूको जिरो किलोमिटरबाट ५ सय मिटर अगाडि सिम खोलामा दुर्घटना भएको स्थानीय देवेन्द्र दाहालले बताए । उनका अनुसार सुमोमा वडा नम्बर ४ बेतालीका वडा अध्यक्ष रामचन्द्र बस्नेत सवार रहेको बताईएको छ ।
सडकबाट ३ सय मिटर तल खसेको सुमोमा सवार पाँच जनाको मुत्य भएको आकलन गरिएको छ । सुमो खोलाको खोचमा रहेकाले उद्धार गर्ने अवस्था नभएको उनले बताए । उद्धारको लागि नेपाल प्रहरी दुर्घटना स्थलमा पुगेका छन् । बाँकी अपडेट आउन बाँकी छ...
