काठमाडौँ । काठमाडौँको चोभारमा सञ्चालित सुक्खा बन्दरगाहामा तातोपानी भन्सार नाकाबाट समेत मालबाहक सवारी साधनहरु आउन थालेको छ ।
मिति २०७८ चैत्र २२ गतेदेखि सञ्चालनमा आएको चोभारमा सुक्खा बन्दरगाहमा पहिलो पटक तातोपानी भन्सार नाकाबाट भित्रिएका सवारीहरु भन्सार जाँचपासका लागि आएका हुन् ।
हालसम्म चोभारमा दक्षिणी नाका ९वीरगञ्ज० बाट मात्र कन्टेनराइज्ड कार्गो र नयाँ सवारी साधनहरु भन्सार जाँच पासका लागि आउने गरेको थियो ।
भदौ १५ गतेदेखि भने तातोपानी भन्सारबाट समेत सवारीसाधनहरु आएका हुन् । फागुन १५ गते कोभेक(क्रिग(कालिका जोइन्ट भेन्चर कम्पनीले आयात गरेको हाइड्रोपावरको सामान बोकेको ४ वटा कन्टेनरहरु पहिलो पटक तातोपानी नाकाबाट भन्सार जाँचपासको लागि सिधै चोभार सुक्खा बन्दरगाह आइपुगेको हो ।
अर्थ मन्त्रालयले २०८१ कार्तिक गते राजपत्रमा सूचना प्रकाशित गरी तातोपानी र रसुवा भन्सार कार्यालयबाट आन्तरिक परिवहन गरी चोभारस्थित सुक्खा बन्दरगाह भन्सार कार्यालयमा भन्सार जाँचपासको लागि सामान ल्याउन चाहने पैठारीकर्ताको लागि सडक मार्ग तोकेको थियो । यसअघि दक्षिणी नाकाहरु वीरगञ्ज, विराटनगर, काँकडभिट्टा र भैरहवा भन्सार कार्यालयबाट मात्र चोभार सुक्खा बन्दरगाहमा भन्सार जाँचपासको लागि सामान ल्याउन पाउने व्यवस्था थियो ।
तातोपानी नाकाबाट समेत भन्सार जाँचपासको लागि कन्टेनराइज्ड मालवस्तु आउन थालेपछि चोभार सुक्खा बन्दरगाहमा थप चहलपहल बढ्न थालेको र उक्त सुक्खा बन्दरगाह पूर्ण क्षमतामा सञ्चालनमा ल्याउनको लागि थप टेवा पुग्ने नेपाल इन्टरमोडल यातायात विकास समितका कार्यकारी निर्देशक श्री आशिष गजुरेलले बताए ।
पर्याप्त भौतिक पूर्वाधार, न्यूनतम सेवा शुल्क लगायत स्तरीय सेवा प्राप्त हुने भएकोले आगामी दिनमा आयात निर्यातकर्ताहरुले नियमित रुपमा मालवाहक सवारी साधन सवारी चोभार आउने जानकारी समेत कार्यकारी निर्देशकले बताए ।
त्यसैगरी आगामी दिनमा रसुवानाकाबाट पनि भन्सार जाँचपास गर्न सवारी साधन तथा कन्टेनर आउने वातावरण बनेको छ । काठमाडौमा आयात हुने सामान र काठमाडौ वरिपरीबाट निर्यात गर्न चोभार सुक्खा बन्दरगाहबाट स्तरीय सेवा दिइने हुँदा यस बन्दरगाहको अधिकतम प्रयोग गर्न व्यवसायीहरुलाई कार्यकारी निर्देशक आशिष गजुरेलले जोड दिए ।
