काठमाडौँ । नेपाली बजारमा सुनको मूल्य पुन १ लाख ७० हजार नाघेको छ । नेपाल सुनचाँदी व्यवसायी महासंघले सार्वजनिक गरेको तथ्यांक अनुसार बुधबार सुनको मूल्य तोलामा ९ सय रुपैयाँले बढेर १ लाख ७० हजार ४ सय रुपैयाँ पुगेको हो ।
अघिल्लो कारोबार दिन मंगलबार सुन एक लाख ६९ हजार ५ सय मूल्यमा कारोबार भएको थियो ।
त्यसैगरी आज चाँदीको मूल्य पनि बढेको छ। महासंघका अनुसार आज चाँदी दश रुपैयाँले बढेको हो । आज चाँदी एक हजार ९ सय ५० रुपैयाँमा कारोबार भईरहेको छ । अघिल्लो कारोबार दिन मंगलबार चाँदी एक हजार ९ सय ४० रुपैयाँमा कारोबार भएको थियो ।
आज प्रति १० ग्राम सुनको मूल्य एक लाख ४६ हजार ९० रुपैयाँ र प्रति १० ग्राम चाँदीको मूल्य एक हजार ६ सय ७२ रुपैयाँ कायम भएको छ ।
