काठमाडौं । साङ्ग्रिला डेभलपमेन्ट बैंकले उच्च र आकर्षक ब्याजदरसहितको 'बुद्धभूमि बचत खाता' सञ्चालनमा ल्याएको छ । ५ हजार रुपैयाँ न्यूनतम ब्यालेन्समा खोल्न सकिने यो खाता बैंकले यही १ चैतबाट सञ्चालनमा ल्याएको हो ।
ग्राहकले बैंंकले प्रदान गर्ने अधिकतम (हाललाई ५ प्रतिशत) ब्याज पाउनुका साथै ब्याज दैनिक गणना गरी हरेक त्रैमासमा खातामा जम्मा हुनेछ । यो खाता १८ वर्ष पुगेका सबै नागरिकले खोल्न सक्ने बैंकले जनाएको छ ।
यो खाता खोल्ने ग्राहकले निःशुल्क चेक, भिसा डेबिट कार्ड, मोबाइल बैंकिङ र एसएमएस सेवा पाउनुका साथै साङ्ग्रिला डेभलपमेन्ट बैंकका कुनै पनि शाखाको बैंकिङ सुविधा उपयोग गर्न पाउने बताइएको छ । यो खाता खोल्ने ग्राहकलाई निःशुल्क डिम्याट खाता खोल्ने र मेरो शेयरमा दर्ता गर्ने सुविधा पनि उपलब्ध हुनेछ । त्यस्तै, पहिलो वर्ष लकर सुविधामा ५० प्रतिशत छुट उपलब्ध हुनेछ ।
यो खाता आमनेपाली नागरिकका लागि बचत गर्ने बानी बसाउने तथा आफ्नो मिहिनेतको कमाइको राम्रो प्रतिफल पाउने एक अवसरका रूपमा रहेको बैंकको विश्वास छ ।
हाल साङ्ग्रिला डेभलपमेन्ट बैंकले हाल मुलुकभर रहेका आफ्ना ११२ शाखा कार्यालय र ३० वटा एटीएममार्फत सेवा प्रदान गर्दै आएको छ ।
