काठमाडौं । त्रिभुवन विश्वविद्यालयअन्तर्गतका आङ्गिक र सामुदायिक क्याम्पसहरूमा आज स्वतन्त्र विद्यार्थी युनियन (स्ववियु) निर्वाचन हुँदैछ। ४६ वटा आङ्गिक क्याम्पससहित अन्य सम्बन्धन प्राप्त क्याम्पसहरूमा मतदान प्रक्रिया बिहान ८ बजेदेखि सुरु भएको छ, जुन ४ बजे सम्म चल्नेछ।
तर, १३ वटा आङ्गिक क्याम्पसमा चुनावी प्रक्रिया रोकिएको छ। यस बारेमा त्रिविको स्ववियु निर्वाचन केन्द्रीय अनुगमन समितिका सदस्य सचिव प्राध्यापक पशुपति अधिकारीले भनेका छन् कि रोकिएका क्याम्पसहरूमा सहमतिको प्रयास भइरहेको छ र १५ दिनभित्र चुनाव सम्पन्न गराउन भनेका छन्।
त्रिविको ६४ वटा आङ्गिक क्याम्पस र १,०५३ वटा सम्बन्धन प्राप्त क्याम्पस छन्। प्रत्येक क्याम्पसमा विद्यार्थी संख्या अनुसार स्ववियु कार्यसमितिको सदस्य संख्या फरक रहेको छ।
यसैबीच, रत्नराज्यलक्ष्मी ९आरआर० क्याम्पसमा अनेरास्ववियुले क्याम्पस प्रशासनले फर्जी कार्ड जारी गरेको आरोप लगाउँदै तालाबन्दी गरेको छ। अनेरास्ववियुले यस विषयमा निष्पक्ष छानबिनको माग गरेको छ।
अमृत साइन्स क्याम्पसमा सुरक्षाको कारणले आज हुने भनिएको स्ववियु निर्वाचन स्थगित गरिएको छ। क्याम्पस प्रशासनका अनुसार सोमबारको बैठकमा केही विद्यार्थी सङ्गठन अनुपस्थित भएका कारण निर्वाचन स्थगित गरिएको जनाइएको छ।
आजको स्ववियु निर्वाचनको अनुगमन राष्ट्रिय मानव अधिकार आयोगले गर्ने जनाएको छ।
