काठमाडौँ । नेपाल विद्युत् प्राधिकरणबाट पदमुक्त भएका कार्यकारी निर्देशक कुलमान घिसिङ सर्वोच्च अदालतमा पुगेका छन् । सरकारले आफूलाई गैरकानुनी रुपमा पदमुक्त गरेको दाबी गर्दै उनी बुधबार सर्वाेच्च पुगेका हुन् ।
सरकारको निर्णय बदर गरी आफूलाई कार्यकारी निर्देशकमा पुनस्थापना गर्नुपर्ने उनको माग छ । उनले निवेदनमा नेपाल सरकार, ऊर्जा मन्त्रालय, नेपाल विद्युत् प्राधिकरणका नवनियुक्त कार्यकारी निर्देशक हितमान शाक्य लगायतलाई विपक्षी बनाएका छन् ।
कुनै गल्ती, त्रुटी नगरेको अवस्थामा सरकारले बदनियतका साथ आफूलाई स्पष्टीकरण सोधेको र गलत ढंगले पदमुक्त गरेको भनी उनले रिटनिवेदनमा जिकिर गरेका छन् ।
उनका प्रतिनिधिले पेश गरेको निवेदन करिव ५ बजेतिर सर्वोच्च अदालतमा पेस भएको छ ।
