काठमाडौं । नेपालको राजधानी काठमाडौंको वायु गुणस्तर फेरि एक पटक खतराको सीमामा पुगेको छ। सोमबार बिहान ८ बजे वायु गुणस्तर सूचकांक (AQI) २८७ मा मापन गरिएको थियो, जुन निकै अस्वस्थकरु श्रेणीमा पर्छ। स्वास्थ्यविद्हरूले यस्तो वायुमा दीर्घ समय रहने व्यक्तिहरूमा श्वासप्रश्वाससम्बन्धी समस्या, आँखाको जलन, टाउको दुख्ने, छालामा चिलाउने लगायतका लक्षण देखिने बताएका छन्। विशेषगरी बालबालिका, वृद्धवृद्धा, गर्भवती महिला र दीर्घरोगीहरू उच्च जोखिममा पर्ने स्वास्थ्य विज्ञहरू बताउँछन्।
वातावरणविद्हरूका अनुसार वायु प्रदूषण बढ्नाका प्रमुख कारणहरूमा खुला डढेलो, इन्धनबाट चल्ने पुराना सवारी साधन, धूलो उडाउने निर्माण कार्य, र अव्यवस्थित फोहोर व्यवस्थापन प्रमुख छन्। यद्यपि सरकारले केही वर्षअघि प्रदूषण नियन्त्रणका लागि कार्ययोजना ल्याए पनि त्यसको प्रभावकारी कार्यान्वयन देखिएको छैन।
काठमाडौंमा बढ्दो वायु प्रदूषण अब केवल मौसमसम्बन्धी समस्या होइन, यो स्वास्थ्य संकटमा परिणत भइसकेको छ। यसले जनस्वास्थ्य, अर्थतन्त्र र वातावरणमा दीर्घकालीन असर पार्न सक्छ।
