काठमाडौँ । सुर्खेत उपत्यका नगर विकास समितिको कार्यालयमा कार्यरत सहायक लेखापाल खड्कबहादुर रानालाई अख्तियार दुरुपयोग अनुसन्धान आयोगको टोलीले नियन्त्रणमा लिएको छ ।
सुर्खेत उपत्यका नगर विकास समितिको कार्यालयले आर्थिक बर्ष २०७६/७७ देखि २०८०/८१ सम्म संकलन गरेको राजस्व रकम हिनामिना गरेको भन्ने उजुरीका आधारमा आयोगको कार्यालय सुर्खेतबाट खटिएको टोलीले रानालाई नियन्त्रणमा लिएको अख्तियारले जनाएको छ ।
रानालाई सम्बन्धित कागजातसहित बुधबार नियन्त्रणमा लिइएको र थप अनुसन्धान भइरहेको अख्तियारको सूचनामा उल्लेख छ ।
आयोगले बुधबार बिहान ९ बजे नगर विकास समितिमा छापा मारेको थियो । अख्तियारको ट्ङ्गाल स्थित कार्यालयमा परेको उजुरीका आधारमा अख्तियारको टोलीले छापा हानेको हो ।
