काठमाडौँ । राप्रपाले आज बबरमहल लक्षित गरेर प्रदर्शन गर्ने भएपछि बबरमहल– बानेश्वर सडक दायाँबायाँका सटरहरु बन्द गरिएको छ ।
राप्रपाले निषेधित क्षेत्र तोडेर प्रदर्शन गर्ने भनेपनि व्यवसायीहरुले सटर बन्द गराएका हुन् । १९ दिनदेखि जारी शिक्षक आन्दोलनमा बन्द नभएको सटरहरु आज बन्द गरिएको छ ।
राप्रपाले निषेधित क्षेत्र तोड्नेगरी प्रदर्शन गर्न लागेपछि व्यवसायीहरुले आफनो पसलमा तोडफोड हुनसक्ने डरले सटर बन्द गराएको हुन् । यसअघि चैत १५ मा भएको राजावादी आन्दोलनमा तीनकुनेमा आन्दोलनकारीले व्यक्तिको व्यक्तिगत सम्पत्तिमाथि तोडफोड आगजनी गरेका थिए ।
सिंहदरबारमै रोकिए ज्ञानेन्द्र शाही
बबरमहल क्षेत्रमा प्रदर्शनमा सहभागी हुन लागेका चारजना नेतालाई संसदीय दलबाट बाहिर निस्किन प्रहरीले रोक लगाएको आरोप नेताहरूले लगाएका छन् ।
संसदीय दलका प्रमुख सचेतक ज्ञानेन्द्र शाहीसहितका ४ नेतालाई सिंहदरबारस्थित संसदीय दलको कार्यालयमा रोकिएको हो ।
शाहीले आफूहरूलाई बाहिर निस्कन नदिइएको बताए । शाहीका अलावा सांसदहरू ध्रुवबहादुर प्रधान, दीपकबहादुर सिंह र विना जैसवाल पनि भित्रै छ ।
