काठमाडौं । साताको दोस्रो दिन सेयर बजार बढेर बन्द भएको छ । आज सेयर बजार नेप्से परिसूचक २३ दशलमव १९ अंकले बढेर २,६५३ को विन्दुमा कायम भएको छ । आज १९१ कम्पनीको सेयर मूल्य बढेको छ भने ५६ कम्पनीको सेयर मूल्य घटेको छ ।
आज दिनभरिमा ३२४ कम्पनीको १ करोड ७५ लाख १ हजार ८०२ कित्ता सेयर किनबेच हुँदा ८ अर्ब ६८ करोड माथिको सेयर कारोबार भएको छ ।
आज सबैभन्दा धेरै राधि विद्युत कम्पनीको सेयर कारोबार भएको छ । आज यस कम्पनीको ६२ करोड २८ लाख रुपैयाँको सेयर कारोबार भएको छ ।
युनिभर्सल पावर कम्पनीको ५४ करोड ९५ लाख रुपैयाँको सेयर कारोबार भएको छ । बुटवल पावर कम्पनीको ५१ करोड ३५ लाख रुपैयाँको सेयर कारोबार भएको छ ।
आज सबैभन्दा धेरै बुटवल पावर कम्पनी, मकर जितुमाया, पियोर इनर्जी, दोल्ती पावर कम्पनी र विन्ध्यावासीनी हाइड्रोका लगानीकर्ताले कमाएका छन् । आज यी पाँच कम्पनीका लगानीकर्ताले ९ दशलमव ९९ प्रतिशतका दरले कमाएका हुन् ।
आज सबैभन्दा धेरै सप्तकोशी डेभलपमेन्ट बैंकका लगानीकर्ताले गुमाएका छन् । आज यस कम्पनीका लगानीकर्ताले ८ दशलमव ६१ प्रतिशतका दरले गुमाएका हुन् ।
