काठमाडौँ । शुक्रबारको संसद बैठकमा पनि राष्ट्रिय स्वतन्त्र पार्टीका सांसदहरुले विरोध जनाएका छन् । संसद बैठक सुरु हुनासाथ उनीहरुले गृहमन्त्रीको राजीनामा माग गर्दै उनीहरुले विरोध जनाएका हुन् ।
रास्वपाको विरोध कायम रहेसँगै प्रधानमन्त्रीसँग प्रश्नोत्तर कार्यक्रम कार्यसूचीबाट हटाइएको हो ।
यस्तै, रास्वपाका सांसदहरुले शुक्रबारको बैठकमा कालो कपडा र निलो रिबनसहित संसद बैठकमा उपस्थित भएका छन् । रास्वपाका पुरुष सांसदहरु कालो कोट, कालो पाइन्ट र निलो रिबनसहित संसद भवन पुगेका हुन् ।
महिला सांसदहरुले भने कालो कोट र कालो मिश्रित सारी लगाएका छन् ।
