काठमाडौँ । काठमाडौँको तारकेश्वर नगरपालिका भित्रका स्थायी ७८ जना स्वास्थ्यकर्मीले ३ महिनादेखि तलब पाएका छैनन् ।
नगर स्वास्थ्य शाखा प्रमुख बिनोद कुमार शाहले अन्तिम समयमा मन्त्रालय गएर बल्लतल्ल बजेट ल्याइएता पनि प्राविधिक कारणले गर्दा तलब पठाउन नसकिएको बताएका छन् ।
आवश्यकता भन्दा बढि दरबन्दी बाहिर भएका कर्मचारीलाई सहमती दिएर ल्याइएको कारण मन्त्रालयले दरबन्दी अनुसार पठाएको तलब चैत महिनामै सकिएको शाहले बताएका छन् । तारकेश्वरमा ४९ जनाको दरबन्दी रहेको ठाउँमा ७५ जना कर्मचारी हुँदा दरबन्दी हुनेहरुले पनि तलब पाएनन् ।
२४ जना स्वास्थ्यकर्मीको दरबन्दी अन्यत्र रहेता पनि सहमती लिएर तारकेश्वरमा काम गर्दै आएका छन् । त्यस्तै २ जना करारमा रहेका डाक्टरसहित गरी ७५ जनाले तलब नपाएको प्रमुख शाहले बताएका छन् ।
विगमा पनि केही स्वास्थ्कर्मी दरबन्दी भन्दा बढि रहेता पनि संघले समयमै बजेट पठाउँदै आएको थियो तर विगत ३ वर्षदेखि दरबन्दी भन्दा बढिका कर्मचारीको तलब समयमा नपठाउँदा समस्या आएको शाहले बताएका छन् । अब भदौ १५ सम्म स्वास्थ्यकर्मीहरूले तलब पाउने प्रमुख शाहले बताएका छन् ।
नगर स्वास्थ्य शाखाको निस्कृयताका कारण हामीले तलब नपाएको स्वास्थ्यकर्मींहरुले गुनासो गरेका छन् ।
तारकेश्वर नगरपालिकाले आर्थिक मसान्तको अन्तिम दिन नगरपालिका र वडाका कर्मचारी र इन्जिनियरलाई भने लाखौं भत्ता वितरण गरेको छ ।
