काठमाडौँ । राष्ट्रिय मानवअधिकार आयोगले रवि लामिछानेलाई राखिएको भैरहवा कारागारमा सुविधाको अभाव रहेको पाइएको बताएको छ ।
सोमबार बिहान लामिछानेलाई राखिएको ब्लकसहित कारागारको अनुगमन गर्दै आयोगको टोलीले सुविधाहरुको अभाव रहेको बताएको हो ।
लामिछानेलाई राखिएको ब्लकमा हावा पनि राम्ररी पास हुने अवस्था नरहेको आयोगकी प्रवक्ता लिली थापाले बताइन् । उनको कोठाको झ्यालहरू पनि सुरक्षाको कारण देखाउँदै टालिएको पाइएको थापाले जानकारी दिइन् ।
थापाले भनिन्, ‘उहाँ बस्ने कोठामा पंखा छ । तर झ्यालहरू टालिएको रहेछ । जेल प्रशासनले सुरक्षाका लागि टालिएको भन्नुभयो । हाम्रो आग्रहपछि त्यसलाई खोल्न तयार हुनुभएको छ,’ ।
बाहिर आएजस्तो लामिछाने बसेको कोठामा कुनै एसी नरहेको पनि उनले बताइन् ।
