काठमाडौँ । प्रधानमन्त्री केपी शर्मा ओलीले बुधबार प्रतिनिधिसभामा सम्बोधन गर्ने भएका छन्। प्रतिनिधिसभाको बैठक बुधबार दिउँसो १ बजे बस्ने बैठकमा प्रधानमन्त्री ओलीले सम्बोधन गर्ने भएका हुन्।
हालै भूपरिवेष्ठित विकासशील राष्ट्रहरू (एलएलडिसी) को तुर्कमेनिस्तानमा सम्पन्न तेस्रो संयुक्त राष्ट्रसङ्घीय सम्मेलनमा भाग लिएर फर्किएका प्रधानमन्त्री ओलीले प्रतिनिधिसभामा त्यसबारे जानकारी गराउने र अन्य समसामयिक विषयमा सम्बोधन गर्ने कार्यसूची तय भएको एमाले संसदीय दलका प्रमुख सचेतक महेश बर्तौलाले जानकारी दिए।
ओली तुर्कमेनिस्तानका राष्ट्रपति सेरदार बेरदिमुहामेदोभ र संयुक्त राष्ट्रसङ्घका महासचिव एन्टोनियो गुटेरेसको औपचारिक निमन्त्रणामा त्यहाँ पुगेका थिए।
