काठमाडौं । राष्ट्रिय स्वतन्त्र पार्टी (रास्वपाका) सभापति रवि लामिछाने बस्ने कोठाको झ्यालबाट प्लाइउड हटाई जाली राखिएको छ। यो परिवर्तन रुपन्देही जिल्ला कारागार कार्यालयले सुरक्षा अवस्थालाई ध्यानमा राख्दै गरेको हो।
कारागार प्रशासनले जारी गरेको विज्ञप्तिमा भनिएको छ कि लामिछानेलाई प्रारम्भदेखि नै छुट्टै कोठामा राखिएको छ, जहाँ अलग्गै शौचालय, टेलिफोन र भेटघाट सुविधा उपलब्ध छ। उनी हाल सहकारी ठगी संगठित अपराध मुद्दामा चार महिनादेखि थुनामा छन्।
प्रशासक सुरेश भण्डारीका अनुसार कारागारले बन्दीहरूको स्वास्थ्य र उपचारको व्यवस्था समेत सुनिश्चित गरेको छ। साथै सबै बन्दीहरूबीच मेलमिलाप र मानव अधिकारमैत्री वातावरण कायम राख्न कारागार प्रतिबद्ध रहेको विज्ञप्तिमा उल्लेख छ।
