काठमाडौं । नारायणघाट–मुग्लिन सडकको तुइन खोला पुल नजिकै पहरोबाट खसेको ढुंगाले भारतीय नम्बर प्लेटको ट्रकमा चोट पुगेको छ। घटनामा ट्रक चालक भारतका ४५ वर्षीय मेगु प्रसाद, २१ वर्षीय नहमान धुनियाँ र १८ वर्षीय सयद अफिद घाइते भएका छन्।
डिएसपी रवीन्द्र खनालका अनुसार, ट्रक चालकको टाउकोमा गम्भीर चोट लागेको छ। सबै घाइतेहरूलाई भरतपुर अस्पतालमा उपचार भइरहेको छ।
ट्राफिक प्रहरी प्रमुख गायत्री शर्माले सडकमा खसेको ढुंगा पन्छाएर यातायात सञ्चालनमा ल्याइएको जानकारी दिइन्। सडक डिभिजन कार्यालय भरतपुरले वर्षायाममा पहाडी क्षेत्रमा पहिरोको जोखिम उच्च हुने भएकाले यात्रुहरूलाई सावधानी अपनाएर मात्र यात्रा गर्न अनुरोध गरेको छ।
