काठमाडौँ । नेपाली बजारमा बिहीबार बढेसँगै सुनको मूल्य प्रतितोला २ लाख ४० हजार रुपैयाँ पुगेको छ । नेपाल सुनचाँदी व्यवसायी महासंघले सार्वजनिक गरेको तथ्यांक अनुसार बिहीबार सुन प्रतितोला १ हजार २ सय रुपैयाँले बढेर २ लाख ३९ हजार २ सय रुपैयाँ पुगेको हो ।
महासंघको तथ्यांक अनुसार बुधबार छापावाल सुन प्रतितोला २ लाख ३८ हजार रुपैयाँ मा कारोबार भएको थियो ।
नेपाली बजारमा आज तोकिएको सुनको यो भाउ हालसम्मकै उच्च हो । आज प्रति १० ग्राम छापावाल सुनको भाउ २ लाख ५ हजार ७५ रुपैयाँ तोकिएको छ ।
त्यसैगरी, आज चाँदीको भाउ पनि तोलामा ७० रुपैयाँले बढेर प्रतितोला ३ हजार २५ रुपैयाँ मा पुगेको छ । आज १० ग्राम चाँदीको भाउ २ हजार ५ सय ९३ रुपैयाँ ५० पैसा तोकिएको छ ।
