काठमाडौँ । चितवनमा दाना उद्योगको पर्खाल भत्किँदा ३ जना मजदुरको मृत्यु भएको छ । जिल्ला प्रहरी कार्यालय चितवनका अनुसार रत्ननगर नगरपालिका वडा नम्बर १२ शान्तिगुञ्ज टोलस्थित किसान दाना उद्योगमा बुधबार बिहान उद्योगको दाना नं। ४ को वाल भत्किँदा तीन मजदुरको मृत्यु भएको हो ।
मृत्यु हुनेमा खैरहनी नगरपालिका २ का ४५ वर्षीय शुकराम दराई, गोरखा घर भई रत्ननगर १२ बस्ने ५४ वर्षीय रेशम दमाई र रत्ननगर १२ का ४५ वर्षीय कमल गुरुङ छन् । यस्तै घाइते हुनेहरूमा पर्सा घर भई हाल रत्ननगर १२ बस्ने ३९ वर्षीय जितेन्द्र महतो र ४० वर्षीय अंकज प्रसाद थारू रहेका छन् । दुबै जनाको हातखुट्टामा चोट लागेको र अवस्था मध्यम रहेको प्रहरीले बताएको छ ।
प्रहरी चौकी पञ्चकन्याका अनुसार बिहान करिब ९स्५० बजे पर्खाल भत्किँदा उद्योगमा काम गर्ने पाँच जना मजदुरहरु पुरिएरका थिए । गम्भीर घाइते भएका तीन जनाको उपचारका क्रममा भरतपुरस्थित नयाँ मेडिकल कलेजमा मृत्यु भएको हो ।
