काठमाडौं । नेकपा (एमाले) का अध्यक्ष केपी शर्मा ओलीले जेनजी र वर्तमान सरकारबीच भएको सम्झौता ‘कलाविहीन भद्दा नाटक’ भएको टिप्पणी गरेका छन्।
बिहीबार काठमाडौंमा सञ्चारकर्मीहरूसँगको संवादमा ओलीले सरकार प्रणाली र व्यवस्थासम्बन्धी कुनै पनि सम्झौता गर्न सक्षम नभएको उल्लेख गरे। उनले भने, “हिजो एउटा कलाविहीन नाटक भयो। यो सरकारले कुनैपनि प्रणाली र व्यवस्थाका बारेमा सम्झौता गर्ने म्याण्डेट कहाँबाट पायो?”
ओलीले थपे, “गोबर टाँसेको सरकारले कलाविहीन नाटक गर्यो। त्यहीँ अस्वीकार भयो, त्यहीँ च्यातिदियो। त्यसकारण त्यो कलाविहीन भद्दा नाटक हो।”
