काठमाडौँ । काठमाडौं महानगरपालिकाका मेयर बालेन शाह आज आइतबार राष्ट्रिय स्वतन्त्र पार्टी (रास्वपा) मा प्रवेश गरी पदभार ग्रहण गरे। उनीसँगै सुदन गुरुङ समेत घण्टी घर पुगेका थिए ।
स्वतन्त्र उम्मेदवारी दिएर मेयर जितेका शाहले आइतबारैदेखि लागू हुने गरी उपमेयर सुनिता डंगोलसमक्ष राजीनामा बुझाए । रास्वपा कार्यालय ‘घन्टीघर’ पुगेका बालेनले प्रांगणमा रहेको घन्टी बजाएर आफ्नो पार्टी प्रवेशलाई आधिकारिकता दिएका थिए।
उनलाई स्वागत गर्न पार्टी सभापति रवि लामिछाने, उपसभापति डिपी अर्याल लगायत नेताहरू उपस्थित थिए । बालेनले पार्टी प्रवेशपछि केही मिनेटमै कार्यालय छाडे र साँझै जनकपुर यात्रा तय गरेका छन्, जहाँ रास्वपाले भोलि कार्यक्रम आयोजना गर्नेछ ।
स्थानीय तह निर्वाचन ऐनअनुसार, मेयरको पद रिक्त हुँदा बाँकी कार्यकाल एक वर्षभन्दा बढी भए उपनिर्वाचन गर्न सकिन्छ । अहिले बाँकी कार्यकाल करिब १५ महिना भएकाले उपमेयर सुनीता डंगोल स्वतः कार्यवाहक मेयरका रूपमा कार्यभार सम्हाल्दै छिन्।
