काठमाडौँ । प्रतिनिधि सभाको निर्वाचनमा स्वतन्त्र उम्मेदवारी दिएर निर्वाचित भएका वैज्ञानिक महाविर पुन पुःन कित बेच्न निस्कीएका छन् ।
चुनावको प्रचारसँग सँगै किताब बिक्री गर्ने भनेर म्याग्दी पुगेका उनलाई निर्वाचन आयोगले किताब बिक्रीमा रोक लगाएको थियो । आयोगले किताब बिक्रीमा रोक लगाएपछि चुनाव केन्द्रीत बनेका उनी मतपरिणाम घोषणा सकिएपछि पुन किताब बिक्रीका लागि निस्कीएका हुन् ।
उनले आज दिनभर पोखराका विभिन्न स्थानमा किताब बिक्री गर्ने जनाएका छन् ।
‘आज पोखरा पुगेर १० बजेदेखि अमरसिंह चोकमा मेरो आत्मकथाको किताब बेच्न सुरु गर्नेछु । त्यसपछि पृथ्वीचोकमा १ बजेदेखि र महेन्द्रपुलमा ४ बजेपछि बेचिनेछ’, उनले सामाजिक सञ्जालमा लेखेका छन्, ‘चुनाव पनि लड्ने र किताब पनि बेच्ने भनेर किताबहरु लगेको थिएँ, तर निर्वाचन आयोगले चुनावमा बेच्न दिएन, बीरगञ्जमा कृषि औजार कारखाना मज्जाले चलि रहेकै छ, त्यसैले पैसा त चाहियो नि ।’
