काठमाडौँ । खोटाङको केपिलासगढीमा एयर डाइनेस्टीको हेलिकप्टर अवतरणका क्रममा भित्तामा ठोक्किएर दुर्घटनामा परेको पाइएको छ ।
बुधबार बिहान ११ बजे त्रिभुवन अन्तर्राष्ट्रिय विमानस्थलबाट खोटाङका लागि उडेर एयर डाइनेस्टीको ९ एनएफक्यू हेलिकोप्टर ११ बजेर ५१ मिनेटमा दुर्घटनामा परेको थियो । नेपाल नागरिक उडड्यन प्राधिकरणले असन्तुलीत अवतरण र ओभर लोडका कारण जहाज दुर्घटनामा परेको जनाएको छ ।
जिल्ला प्रहरी कार्यालय, खोटाङका प्रहरी नायव उपरीक्षक ९डीएसपी० प्रकाश बुढाथोकीले उक्त दुर्घटनामा १ जना सामान्य घाइते भएको जानकारी दिए ।
डीएसपी बुढाथोकीका अनुसार हेलिकप्टरमा चालकसहित ६ जना सवार थिए। दुर्घटनामा परी हेलिकप्टरमा सवार काजीबहादुर राई घाइते भएका छन्। अन्य पाँच जना सकुसल रहेका छन्।
घाइते राईलाई उपचारका लागि अर्को हेलिकप्टर मगाएर घटनास्थलबाट पठाएको उनले बताए ।
