काठमाडौँ । देशका केही स्थानमा यति बेला (शुक्रबार दिउँसो १:२५ बजे) पानी परिरहेको छ । पश्चिम नेपालका केही स्थानमा वर्षा भइरहेको जल तथा मौसम विज्ञान विभागले जनाएको छ ।
काठमाडौं उपत्यकामा पनि पानी पर्न सुरु भएको जलवायुविज्ञ धर्मराज उप्रेतीले जानकारी गराएका छन् । पश्चिमी वायुको पानी पार्ने ठूलो प्रणाली पोखरातिर लागेको उनले उल्लेख गरेका छन् ।
“पश्चिमी वायुको ठूलो प्रणाली नेपालगन्ज–दाङ हुँदै बुटवल, पोखरा पुग्दै छ भने काठमाडौंको दक्षिणी भागमा भैँसेपाटी, गोदावरीमा वर्षा हुन सुरु गरेको छ,” उनले सामाजिक सञ्जालमा लेखेका छन् ।
अबको केही घण्टामै यो प्रणाली थप सक्रिय हुने र हावाहुरी, असिनापानी बढ्दै जाने सम्भावना बलियो रहेको उनले औँल्याएका छन् ।
पछिल्लो तीन घण्टामा भएको वर्षाको विवरण ।
