काठमाडौँ । अख्तियार दुरुपयोग अनुसन्धान आयोगले पोखरा क्षेत्रीय अन्तर्राष्ट्रिय विमानस्थलमा भ्रष्टाचार भएको दाबीसहित विशेष अदालतमा दोस्रो मुद्दा दायर गरेको छ ।
अख्तियारले सोमबार अदालतमा पेश गरेको दोस्रो मुद्दामा संस्कृति, पर्यटन तथा नागरिक उडड्यन मन्त्रालयका तत्कालीन सचिव केदारबहादुर अधिकारी, क्यानका पूर्व महानिर्देशकदेखि २१ जना व्यक्ति र २ कम्पनीलाई प्रतिवादी बनाएर मुद्दा दायर भएको हो ।
अख्तियारले पहिलो मुद्दा दायर गर्दा नै पोखरा विमानस्थल निर्माणमा राजस्व छुटलगायतका विषयमा अनुसन्धान भइरहेको र छिट्टै मुद्दा दायर हुने भनि विवरण पेस गरेको थियो ।
सोमबार दर्ता भएको मुद्दामा क्यानका पूर्वमहानिर्देशक संजिव गौतम र राजन पोखरेललाई समेत प्रतिवादी बनाईएको छ । उनीहरुसँगै यसअघि निलम्बीत महानिर्देशक प्रदीप अधिकारी, बाबुराम पौडेल, केही पुराना निलम्बीत कर्मचारीसँगै क्यानका नयाँ कर्मचारी समेत परेका छन् ।
दोस्रो मुद्दामा ४६ करोड १५ लाख ८४ हजार ४३४ रुपैयाँ माग दाबी गर्दै मुद्दा दायर गरिएको छ ।
