काठमाडौं । शेयर बजार आज उच्च अंकले बढेको छ । बजार उचालिंदा कारोबार रकम समेत बढको छ । नेपाल स्टक एक्सचेञ्ज लिमिटेड (नेप्से) का अनुसार आज बजार ३३.४१ अंकले उचालिएको हो । १.२४ प्रतिशतले बजार बढ्दा नेप्से २७१६.६६ अंकमा उक्लिएको छ ।
बजार उच्च अंकले उचालिंदा सबै समूहमा हरियाली छाएको छ । हाइड्रो पावर समूह सबैभन्दा बढी १.९७ प्रतिशतले बढेको हो । आज ३१२ कम्पनीका १ करोड ४२ लाख ९२ हजार ७ सय ४२ कित्ता शेयर किनबेच हुँदा ७ अर्ब ४४ करोड ९८ लाख ९८ हजार ९ सय ८७.८९ रुपियाँ बराबरको कारोबार भएको छ ।
आज विभिन्न ४ कम्पनीका लगानीकर्ताहरुले ९ प्रतिशत बढी नाफा कमाएका छन् । सपोर्ट माइक्रोफाइनान्स, यूनाइटेड इदी मर्दी, कुथेली बुखरी हाइड्रो र मिथिला लघुवित्तका लगानीकर्ताहरुले क्रमशः १०, १०, १० र ९.६२ प्रतिशतले घाटा व्यहोरेका छन् ।
त्यस्तै थ्री स्टार हाइड्रो, कर्णाली डेभलपमेन्ट बैंक र सामुदायिक लघुवित्तका लगानीकर्ताहरुले क्रमशः १०, ८.४५ र ८.१२ प्रतिशतले घाटा व्यहोरेका छन् ।
आज नेपाल फाइनान्सको उच्च कारोबार भएको छ । उक्त कम्पनीको ४५ करोड ७८ लाख ३१.३० रुपियाँ बराबरको शेयर किनबेच भएको नेप्सेले जनाएको छ ।
साताको पहिलो दिन आइतबार १३.०३ अंकले बजार घट्दा ७ अर्ब ७२ करोड ८८ लाख ६१ ह्जार २ सय ५०.७३ रुपियाँ र हिजो सोमबार १५.८३ अंकले बजार बढ्दा ६ अर्ब ३४ करोड ५८ लाख ९ हजार ५ सय ९७।८४ रुपियाँ बराबरको कारोबार भएको थियो ।
