काठमाडौँ । भूकम्प र कोरोना महामारीपछि नेपाल आउने पर्यटकको संख्यामा बृद्धि हुन थालेको छ । नेपाल पर्यटन बोर्डको तथ्यांक अुनसार गत वर्षको तुलनामा चालू वर्षमा नेपाल भित्रने विदेशी पर्यटकको संख्यामा बृद्धि हुन थालेको हो ।
सन् २०२४ को ११ महिनामा १० लाख ५५ हजार ५ सय ३३ जना विदेशी पर्यटक नेपाल भ्रमणमा आएका छन् । गतवर्ष ११ महिनामा ९ लाख १८ हजार ३ सय ८ पर्यटक भित्रिएका थिए ।
सन् २०२३ मा भन्दा सन् २०२४ मा १ लाख ३७ हजार २ सय ४५ पर्यटक बढी भित्रिएका हुन् ।
सन् २०२४ को नोभेम्बर महिनामा मात्रै १ लाख १४ हजार ५ सय १ पर्यटक भित्रिएका छन् । तथ्यांक अनुसार भारतबाट नोभेम्बरमा नेपाल भ्रमणमा आउनेको संख्या १९ हजार ९ सय १५ रहेको छ । यसैगरी अमेरिकाबाट १० हजार ९ सय ८१ र चीनबाट ९ हजार ४ सय ५८ जना नेपाल भ्रमणमा आएका छन् । यस्तै, बेलायतबाट ६ हजार ६ सय ११ र बंगलादेशबाट ५ हजार १ सय ४८ जना पर्यटक नेपाल भ्रमणमा आएका छन् ।
२०२४ को जनवरीमा ७९ हजार १ सय, फेब्रुअरमाी ९७ हजार ४ सय २६, मार्चमा १ लाख २८ हजार १ सय ६७, अप्रिलमा १ लाख ११ हजार ३ सय ७६, मेमा ९० हजार २ सय ११, जुनमा ७६ हजार ७ सय ३६, जुलाईमा ६४ हजार ५ सय ९९, अगस्ट ७२ हजार ७ सय १९, सेप्टेम्बरमा ९६ हजार ३ सय ५ र अक्टोबरमामा १ लाख २४ हजार ३ सय ९३ पर्यटकले नेपाल भ्रमण गरेका थिए ।
