काठमाडौँ । आइतबार प्रतितोला ४ सय रुपैयाँले घटेको सुनको मूल्यले सोमबार पनि निरन्तरता पाएको छ । नेपाल सुनचाँदी व्यवसायी महासंघको तथ्यांक अनुसार सोमबार सुनचाँदी दुुबैको मूल्यमा उच्च अंकले गिरावट आएको छ ।
आइतबारको तुलनामा सोमबार सुन प्रतितोला १ हजार २ सय रुपैयाँ र चाँदी प्रतितोला २५ रुपैयाँले कमी आएको हो । तथ्यांक अनुसार सोमबार सुन प्रतितोला १२ सय रुपैयाँले घटेर १ लाख ४९ हजार ३ सय रुपैयाँमा कारोबार हुने भएको छ ।
यस्तै, आइतबार चाँदी प्रतितोला १ हजार ८ सय ४० रुपैयाँ रहेकोमा सोमबार तोलामा २५ रुपैयाँले घटेर १ हजार ८ सय १५ रुपैयाँ कायम भएको हो ।
