काठमाडौँ । बुधबार पनि सुनचाँदीको मूल्य बढेको छ । नेपाल सुनचाँदी व्यवसायी महासंघले जारी गरेको तथ्यांक अनुसार बुधबार सुन र चाँदीको मूल्य न्यून मात्रामा बढेको हो ।
तथ्यांक अनुसार मंगलबारको तुलनामा बुधबार सुन प्रतितोला १ सय रुपैयाँ र चाँदी प्रतितोला २० रुपैयाँले बढेको हो । बुधबार बढेर सुनको मूल्य प्रतितोला १ लाख ५० हजार ४ सय रुपैयाँ र चाँदीको मूल्य १ हजार ८ सय ६५ रुपैयाँ कायम भएको छ ।
मंगलबार सुन प्रतितोला १ हजार रुपैयाँ र चाँदीको मूल्य प्रतितोला ३० रुपैयाँले बढेको थियो । पछिल्लो केही दिन यता सुनचाँदीको मूल्य निरन्तर रुपैयाँ बढ्दै आएको छ ।
