काठमाडौँ । साताको अन्तिम कारोबार दिन पनि सुनचाँदीको मूल्य घटेको छ । नेपाल सुनचाँदी व्यवसायी महासंघले सार्वजनिक गरेको तथ्यांक अनुसार शुक्रबार सुन र चाँदी दुबैको मूल्य घटेको हो ।
बिहीबार प्रतितोला १ हजार ७ सय रुपैयाँले घटेको सुनको मूल्य शुक्रबार प्रतितोला ५ सय रुपैयाँले घटेको छ । आज सुनको मूल्य ५ सय रुपैयाँले घटेसँगै प्रतितोला १ लाख ४८ हजार ५ सय रुपैयाँ कायम भएको छ ।
यस्तै, शुक्रबार सुनसँगै चाँदीको मूल्य समेत घटेको छ । महासंघको तथ्यांक अनुसार बिहीबारको तुलनामा चाँदी शुक्रबार प्रतितोला २० रुपैयाँले घटेर प्रतितोला १ हजार ७ सय ६० रुपैयाँ कायम भएको छ । बिहीबार चाँदी प्रतितोला ५५ रुपैयाँले घटेको थियो ।
