काठमाडौं । सुदूरपश्चिमको भ्रमणमा रहेका नेपाली कांग्रेसका वरिष्ठ नेता डा. शेखर कोइरालालाई धनगढीमा भव्य स्वागत गरिएको छ । १५ किलोको माला लगाएर स्वागत गरिएको छ।
नेता कोइरालालाई धनगढी विमानस्थालमा बजागाजा सहित भव्य स्वागत गरिएको थियो । साथै उनलाई आगामी १५ औँ महाधिवेशनमा सभापतिका लागि अग्रिम शुभकामना स्वरुप १५ किलोको माला लगाइदिएर स्वागत गरिएको हो ।
स्वागतका लागि धनगढी विमानस्थलमा भेला भएका पार्टी कार्यकर्ताले ‘भावी सभापति शेखर कोइराला- जिन्दाबाद, सुदूरपश्चिमले के भन्छ- १५ औं महाधिवेशनमा शेखर कोइराला ले भन्छ’ लगायतका नारा लगाएका थिए ।
आगामी महाधिवेशनमा देउवाको विपक्षबाट सभापति उठ्न लागेका कोइरालालाई देउवाकै गृह प्रदेशमा भव्य स्वागत गरिएको हो । प्रदेशका ९ वटै जिल्लाका सभापति भेट्ने उदेश्यका साथ कैलाली गएका शेखर केही दिन सुदूरपश्चिममा नै रहनेछन् ।
