काठमाडौँ । संघीय मामिला तथा सामान्य प्रशासन मन्त्रालयले ८ जना उपसचिवलाई सहसचिव बढुवाका लागि सिफारिस गरेको छ ।
मन्त्रालय अन्तरगतको बढुवा समितिले विभिन्न सेवा, समूह र श्रेणीमा कार्यरत उपसचिवहरूलाई बढुवा गर्ने निर्णय गरेको हो ।
लोक सेवा आयोगको सिफारिसअनुसार २०८१ पुष ११ गते बसेको बढुवा समितिको बैठकले ज्येष्ठता र कार्यसम्पादन मूल्यांकनद्वारा हुने बढुवाका लागि नेपाल परराष्ट्र सेवा ५, नेपाल लेखापरीक्षण सेवा १ र नेपाल इन्जिनियरिङ सेवाका २ उपसचिव सहसचिवमा बढुवाका लागि सिफारिस गरेको हो ।
नेपाल परराष्ट्र सेवातर्फ हरि प्रसाद ओडारी, प्रकाश अधिकारी, दधिराम भण्डारी, डमरुवल्लभ पौडेल, पारस पण्डित रहेका छन् ।
यस्तै, नेपाल लेखापरीक्षण सेवातर्फ टिका राम श्रेष्ठ रहेका छन् भने नेपाल इन्जिनियरिङ सेवा तर्फ नारायण प्रसाद श्रेष्ठ र शम्भु मिश्र रहेका छन् ।
